Gartxot ibilbidearen zati bat egingo dugu, Itzaltzun hasita.
Itzaltzu (Zaraitzu) izanen da gure ibilbidearen hasiera. Zaraitzu ibarrean murgilduko gara. Iratiko belardi berde eta baso ederren artean zabalduko da gure bidea. Hainbat ur-jauzi ikusteko parada izanen dugu bai eta Pirinioen ikuspegiak ere.
Paraje hauetan bizi izan zen Gartxot bardoaren elezaharra gogora ekarriz, Elkorretako haitzulora ailegatuko gara. Ondoren Abodi mendiko tontorretara hurbilduko gara gure ibilbidean, eta zati batean hauek zeharkatu ondoren, Otsagabiako Muskilda ermitara jaitsiko gara.