IPAR MARTXA
Ipar Martxa jarduera fisikoan makila espezifiko batzuen erabilera aktiboa txertatzen du ibiltzeko modu naturalean, bultzada bat lortuz. Gorputzaren beheko eta goiko aldeen jarduera integratzen du, baina giza martxaren ezaugarri biomekanikoak eta artikulazioen lerrokadura egokia errespetatzen ditu une oro.
Gorputza modu simetriko eta orekatuan lantzen duen jarduera fisiko seguru eta eraginkorra da, praktikatzen dutenen ongizate fisiko eta emozionala hobetzeko helburuarekin.
Bizitza osoan egin daiteke, haurtzarotik hasi eta hirugarren adineraino, eta banakako ezaugarri fisikoetara egokitu daiteke. Hainbat helbururekin ezar daiteke:
- Osasuna: bizi-ohitura aktiboen sustapena, patologien kontrola, tratamendua eta errehabilitazioa
- Fitness: egoera fisikoa hobetzea
- Kirola: kirol-errendimendua hobetzea
Ipar martxa aldizka aritzeak dakartzan onurak teknika egoki baten menpe geratzen dira, hau da, keinu kaltegarriak eta jarrera behartuak edo gehiegizkoak saihesten dituena. Martxa-patroia optimizatzen dugu, arintasunez mugitzeko eta energia aurrezteko, eta martxa-patroia aldatzen dugu igoeretan eta jaitsieretan, Ipar Martxaren teknika ahalik eta ondoen egokitzeko.
Mendiko lurretan ipar martxaren teknikaren errendimendua hobetzen dugu, martxa optimizatzen dugu, gastu energetikoa aurrezten dugu, gorputzaren eta bastoien kontrola eskuratzen dugu, teknika denbora luzez lur zorrotzetan egin ahal izateko mugimendu jariakorrak lortzeko.
Espainian, duela urte batzuetatik hona, pixkanaka-pixkanaka ari dira sartzen mendi-klubak, kirol hori zabaltzen. Gaur egun, Espainiako Mendi Kirol eta Eskalada Federazioak eta Autonomia Erkidegoko Mendi Federazioek mendiko jarduera bat gehiago bezala sartu dute ESTATUTUETAN.
Ipar Martxa kirol-modalitatea 2015eko ekainaren 27an onartu zuen Mendi Kirolen eta Eskaladaren Espainiako Federazioaren (FEDME) Batzar Nagusiak, eta ordutik aurrera Espainiako Federazioaren estatutuetan sartu zen berezko kirol-modalitate gisa. Geroago, 2015eko abenduaren 23an, Kirol Kontseilu Gorenak (CSD) onartu zuen estatutuen aldaketa hori.
Mendi eta Eskalada Kirolen Napar Federakundeak 2021etik dauka bere Estatutuetan sartuta, eta federazioaren aseguruak estaltzen ditu istripuak, baldin eta mendian egiten badira (ez ditu barnean hartzen istripuak hiriguneetan, parkeetan, asfaltoan, pistetan eta mendikoak ez diren bideetan egiten direnean; mendiko federazioek antolatutako proba ofizialak izan ezik).
DESKARGAK
IRUDIAK
PARTEKATU
ENLACES RELACIONADOS